Sa panahon ngayon ng makabagong teknolohiya hindi na maikakaila ang patuloy na pagbabago at pagdami ng mga imbesyon. Tila mula sa maliliit na kagamitan tulad ng cellphone hanggang sa malalaking kagamitan tulad ng makinarya ay makikita ang patuloy na pagunlad. Ang Biomass Briquetting Machine ay isa sa mga makabagong makinarya na nabuo ngayong ika-21 na siglo. Ang makinaryang ito ay nakonseptuwalys at masinsinang plinano ng ikaapat na pangkat mula sa seksyon ng STEM 11-05. Ito ay nakaalaan para sa komunidad ng Mataas na Lupa Lipa City upang mabigyan ng solusyon ang kanilang napapanahong problema sa basura. Ang Biomass Briquetting Machine ay isang waste converter na makinarya na kung saan gumagamit ito ng mga nabubulok na basura upang gumawa ng biomass waste briquette. Ang biomass waste briquette ay maihahambing sa isang uling ngunit ang kaibahan nito sa uling ay ang komposisyon sapagkat ang biomass waste briquette ay hango mula sa mga nabubulok na basura mula sa komunidad. Ito ay maaring magamit ng mga residente bilang mas matipid na alternatibong pagkukuhanan ng kuryente/enerhiya at maari din itong gamitin na pangluto upang hindi na sila bumili ng mga LPG gas. Mayroong prosesong sinusunod upang mabuo ang biomass waste briquette at ang Biomass Briquetting Machine ay nakadisenyo upang maayos itong mabuo at maging ligtas gamitin. Mayroong apat na proseso na gagawin ang makinarya upang mabuo ang waste briquette ito ay ang paghahalo at pagtatanggal ng amoy ng basura, paghuhulma, pagbibilad sa araw at ang paggagawa nito sa biomass. Masasabing mas maayos na gamitin ang wastes briquettes sapagkat ito ay matipid at hindi ito makaaapekto sa kapaligiran.

Ang Biomass Briquetting Machine at ang waste briquettes ay nabuo sa pamamagitan ng COAL Inc., ito ay matalinong plinano at masusing pinagisipan upang makatulong na magbigay ng solusyon sa problema sa basura. Masasabing ang pagkakabuo ng makinaryang ito ay magbibigay ng malaking tulong sa mga residente ng Mataas na Lupa sapagkat magkakaroon sila ng alternatibong pagkukuhanan ng kanilang kuryente at masosolusyonan nito ang kanilang problema sa basura. Makatutulong din ang nasabing proyekto upang makatipid sila sa kanilang gastusin sa pang araw-araw. Ang makinaryang ito ay mayroong taglay na kalakasan at ito ay ang pagbibigay ng libre o tipid na alternatibong enerhiya sa ligtas na paraan. Tila hindi na nito kailangan ng gas o mga kemikal upang makapagbigay ng enerhiya. Ito ang magiging daan upang magkaroon ng supply ng kuryente ang mga residente. Makatutulong din ang makinaryang ito upang mabigyang solusyon ang napapabalitang pagkakaroon ng limitadong suplay ng kuryente sa Luzon sapagkat kung ito ang gagamitin ng mga residente ay mababawasan ang demand sa kuryente. Dagdag pa rito, mura ang mga materyales na kakailanganin upang makabuo ng briquette sapagkat nabubulok na basura lamang ang gamit at ang mga basurang ito ang malimit na basurang mayroon sa isang komunidad. Makakatipid rin ang mga residente sa kanilang pagbili ng LPG gas sapagkat ang briquette ay maaari nilang gamitin na pangluto. Kaakibat ng mga kalakasang ito ay ang pagkakaroon ng kahinaan ng Biomass Briquetting Machine. Ang sistema ng makinarya ay bago pa lamang sapagkat hindi ito ang normal na ginagamit ng isang komunidad upang magkaroon ng kuryente. Hindi rin ito ang karaniwang paraan ng mapagkukuhanan ng alternatibong enerhiya kung kaya’t maaring hindi pamilyar sa proseso at gagawin ang mga gagamit nito. Hindi lamang ito, ngunit ang isa pa sa mga nakitang kahinan ng  makinarya ay ang proseso ng paggawa nito. Maaaring hindi mabuo ang briquette kung walang nabubulok na basurang maipon at makuha ang mga residente. Maaring hindi rin makabuo ng briquette kung hindi magiging matiyaga ang mga residente na intayin itong mabuo.

Base sa lahat ng impormasyon ukol sa Biomass Briquetting Machine, masasabi na ang makinaryang ito ay isa paring malaking tulong sa komunidad ng Mataas na Lupa. Isa ito sa mga imbensyong unti-unting makapagbibigay ng solusyon sa napapanahong problema tulad na lamang ng problema sa basura. Bago man ang sistema at kakaiba man ang proseso na ginagawa ng makinaryang ito, kung pagsisikapang pag-aralan ay madali itong magagamit at lubos ding mapapakinabangan. Hindi hadlang ang mga kahinaan ng makinarya upang makatulong na mapabuti ang komunidad ng Mataas na Lupa Lipa City. Isa ito sa mga makinaryang kailangan ng bawat komunidad sagkat isa sa mga layunin nito ay ang mabawasan ang dami ng basura na naiipon. Tiyaga at malasakit lamang ang kailangan upang tamang magamit ang makinaryang ito.

Isinulat ni : Ayeza Easellene B. Fransia

Ang CAPSTONE ay isang “Community Action Based Project” na kung saan ang tungkulin ay matulungan ang isang napiling komunidad ng bawat klase. Ito ay ipinatupad noong A.Y 2017-2018 o noong grade 10 kami. Ang layunin nito ay matanggal ang mga humahadlang sa pagkaunlad at suliraning mayroon ang isang komunidad. Layunin din nitong maturuan ang mga mag-aaral upang makahanap ng solusyon sa suliraning ito. Bawat antas ay may iba’t ibang proyekto at ngayong naasa baiting 11 na kami, inaatasan kaming gumawa ng isang produkto na makapag bibigay solusyon sa problemang kinakaharap ng komunidad na napili ng bawat grupo sa CAPSTONE.

Ang komunidad na napili ng grupo namin ay ang Barangay San Carlos. Napili namin ito sapagkat ito ang komunidad na sa tingin naming ay may malaking problema at sa tingin namin ay matutulungan namin. Ang produktong nabuo namin ay ang “Styro-Carbon Filter Converter” na kung saan masosolusyuan nito ang problemang meron ang Barangay San Carlos ukol sa pagkakaroon ng maduming tubig. Masasabi kong mas natitimbangan ng kalakasan ng produkto namin ang kahinaan mayroon ang produkto namin. Maraming kalakasan ang produkto namin, isa na dito ang materyal na kinakailangan ng produkto namin, ang “Styrofoam”. Ang “Styrofoam” ay isa sa napakaraming materyal na makikita dito sa pilipinas. Ito ay madalas makikita sa mg “Fast food chains” bilang lalagyanan ng mga pagkain at inuman. Madals din itong gingamit tuwing may pagtitipon o “birthday” bilang lalagyanan ng yelo o tubig. Isa pang kalakasann ay sa kadahilang pumapatay kami ng dalawang ibon gamit lamang ang isang bato dahil sa paggamit ng “Styrofoam” nababawasan namin ang kalat na ito at ginagamit ito sa pagpapa-andar ng produkto namin. Ang kahinang nakikita ko sa aming produkto ay ang pagkawala ng interes ng mga mamamayan sa produkto namin ngunit sa tingin ko ay sa kaunting pakikiusap sa mga mamamayan ay makukumbinsi namin silang gamitin ang produkto namin

Sa pag lalahat, maayos ang produktong ginawa namin. Ang produktong ito ay nag bibigay ng mas maraming kalakasan kesa sa kahinaan. Ito ay makakatulong sa napakaraming tao, hindi lamang sa napiling komunidad namin kundi sa iba pang komunidad kung ito ay mapipiling ipagpatuloy. Ito ay pumupuksa ng maduduming tubig at ginagawa itong malinis na puwedeng gawin inumin. Ito ang mga dahilan kung bakit maayos ang produktong ginawa ng grupo namin.

Ni: Kenneth Carandang

Maraming problema sa Barangay Balintawak ang nararanasan ng mga residente. May mga problema sa enerhiya, tubig at iba pa. Ang pinakanangungunang problema na nararanasan ng mga residente sa Barangay Balintawak ay ang waste management. Ito ay malimit na nagiging problema sa kanila dahil wala silang tamang pag tatapunan ng kanilang mga basura. Ang De La Salle Lipa ay nagsasagawa ng mga proyekto sa mga estudyante upang matulungan ang komunidad. Tinatawag nila itong proyektong ito bilang CAPSTONE. Upang matulungan at maresolbahan ang komunidad ng Barangay Balintawak, kaming pangkat 5 ng S11-05 ay gumawa ng produkto na tinatawag namin na BI-CYCLE.

Ang BI-CYCLE ay isang waste shredder na pinapatakbo ng tao sa pamamagitan ng pagpepedal gamit ang bisikleta na nakakabit. Ang aming BI-CYCLE ay nagpapaliit ng mga basurang nabubulok at mga recyclable na materyales na pwede maging magamit muli sa pagbubuo ng bagong produkto o gawing pataba sa mga halaman. Hinihiwalay din nito ang mga basura at ipinupunta sa tamang lalagyan para maayos at malinis. Gumagamit kami ng mataas na kalidad na materyales upang siguruhing matibay ang aming produkto. Ang BI-CYCLE ay binubuo ng mga parte na ito: bicycle, pedal, connecting pole, connecting gears, shredder box, funnel opening, funnel wall, separator, opening shield, bearings, metal pole stand at bin. Ang BI-CYCLE ay binabahagi ng mga materyales katulad ng metal sheet, bicycle, metal gears, metal pole, bicycle chain, grease at bearing. Ang kalakasan ng BI-CYCLE ay nakakapag ensayo ka habang napapaliit ang mga basura. Simple lang ito gamitin at hindi basta basta mawawasak dahil sa kalidad. Isa pang kalakasan nito ay pwedeng gamitin ang mga napaliit na basura bilang bagong materyales o pataba ng halaman. Alam nating lahat na kahit anumang produkto ay mayroon ding kahinaan at inaamin ko na meron ang amin. Isa na sa kahinaan ay ang katamaran, pwedeng tamarin ang mga gagamit nito dahil nakakapagod din naman gamitin ang produkto. Mahirap man aminin pero dahil sa simpleng simple lamang ng produkto, pwede nilang ayawan ito dahil hindi masyadong nakaka agaw pansin ang produkto kundi isa lamang itong waste shredder.

Sa pangkahalatan, ang aming produktong BI-CYCLE ay isa lamang napakasimpleng produkto pero kayang makatulong sa komunidad. Sinisigurado namin na ang produkto ay epektibo at pwede sa lahat. Hindi man mukhang kaakit-akit pero nakakasiguro ito namakakapagpabawas ito ng problemang waste management sa komunidad ng Barangay Balintawak o kahit saan man na ganito rin ang problema. Bilang isang miyembro ng pangkat 5 ng S11-05, tumutulong kami sa mga komunidad na mabigyan solusyon ang mga problema nila na ukol sa kanilang mga basura na gusto nilang mapapunta sa tamang lugar.

Ang basura ay isa lamang sa mga bagay na nakakapagpasira ng ating mundo kung kayat dapat lamang tayong maging responsable sa ating mga basira. Isa sa pangunahing problema na kinakaharap ngayon ng brgy mataas na lupa ay ang mga nabubulok na basura. sa pagdami ng mga nabubulok na basura ay nangangailangan narin tayo ng agarang solusyon dito, kung kayat ang aming grupo ay nakaisip ng paraan sa pamamagitan ng CAPSTONE project na pinapalakad ng De La Salle Lipa na kami ay makagawa ng isang produkto na aming pinangalanang BBM o Biomass Briquetting Machine na makakatulong sa pagbabawas ng basura na nakakalat sa lugar.

Ang Biomass Briquetting Machine ay isang makenarya na kung saan ang mga basura ay unang hinahati sa maliliit na piraso gamit ang blender na nakasama sa makenarya pagkatapos ay ang mga basura ay dumederecho sa molder upang ang mga iginiling na mga basura ay magka mayroon ng hugis o kaya naman ay korte. Itong produktong ito ay lubos na makaktulong dahil mababawasan nito ang nga nakakalat na basura sa paligid mg brgy mataas na lupa sa pamamagitan ng pagpuputol putol ng basura sa maliliit na piraso na gagawing briquettena pwedeng gawing pamalit sa uling. Dahil dito mababawasan na ang mga pagputol ng puno para lamang gawing uling.

Bilang konklusyon ang aming produkto ay pwedeng maging isang paraan ng pagbabago. sa aming produkto magkakamayroon ng kabuluhan ang nga basura na nakakalat kung saan saan. gamit ang aming produkto pwede natin pagpatas patasin ang mga basura na ating makukuha nang sa gayon ay hindi na pakalat kalat ang basura. sa ganitong paraan malaki ang maitutulong sa kalikasan.

“Ano ga naman ito?” Ayun ang una kong naisip pagkatapos makita ang aming ginawang prototype na tawag ay “iHarvest”. Sa una, nakakalito kung ano ba naman ang ginagawa nito. Pano ba ito maghaharvest? Anong ihaharvest natin? Sinagot naman ako ng aking kagrupo, “Yung ulan ang ihaharvest.”. Dito ko nakuha kung ano ang gagawin ng iHarvest para sa Barangay Banay Banay I.

Ang iHarvest ay isang makinang binuo ng aming grupo para matugunan nito ang ang isyu ng pagkawala o paghina ng daloy ng tubig sa Brgy. Banay Banay I, San Jose, Batangas. Layunin nitong makabigay ng alternatibong kuhanan ng malinis at libreng tubig. Makakatulong din ito sa tag-ulan sapagkat nakokolekta nito ang mga tubig na galing sa ulan para magamit sa pang-araw-araw na gawain at para mabawasan din nito ang bahang nangyayari sa Barangay. Natutulong din nito ang tao sa pagtipid ng kanilang bayaran sa water bill.

Dati pang nararanasan ng Pilipinas ang kakulangan sa tubig. Matagal nang binabala sa atin ng mga opisyal at iba pang siyentipiko ang patuloy-tuloy na pagbawas at pagkaubos ng malinis na inuming tubig sa buong mundo. Oras na para maghanap ng solusyon. Ano ga naman ang iHarvest? Ang sagot: unang hakbang para sa kinabukasan.

–Roy Fitzgerald C. Torres

FORTU,Jose Carlos M. S11-05

Isang grupo ng mga mag-aaral ay nagsagawa ng isang pag-aaral sa isang komunidad sa lungsod ng Lipa, sa Batangas. Ang grupo ng mga mag-aaral na it ay nagnanais na makapagbigay ng solusyon sa mga problemang kinahaharap ng komunidad. Matapos ang pag-aaral ay napagalaman na ang pangunahing problema sa Barangay Mataas na lupa ay ang basura. Matapos ang masusing pag-aaral upang mabigyang solusyon ang hinaing ng Barangay hinggil sa basura, nabuo ng grupo ang BBM o ang Biomass Briquetting Machine.

Ang inspirasyon sa pagkakabuo ng BBM ay mula sa mga Briquetting Machine na nabuo sa ibang mga bansa, ngunit ang BBM ay naiiba sa mga ito. Ang karaniwang Briquetting Machine ay gumagamit ng mga kahoy at pinaglagariang kahoy (saw dust), ngunit ang BBM ay gumagamit ng mga nabubulok na basura o biomass waste. Ang BBM ay binubuo ng mga bakal na materyales, kaya’t sadyang makikita ang tibay ng produkto. Sa bawat proseso ay makabubuo ito ng apat na bloke ng briquettes na maaari pang magayat at mapaliit.

Ang konsepto ng BBM ay nilikha upang magbigay ng mga posetibong epekto at magbigay solusyon sa mga problema ng komunidad. Madaming posetibong naidudulot ang BBM sa komunidad at sa kapaligiran. Una ay ang pagbibigay solusyon nito sa problema hinggil sa basura. Hindi lamang basura sa Mataas na Lupa ang mabibigyang solusyon ng BBM kung ito ay mailalabas saa iba’t ibang bahagi ng mundo. Ang pagbuo ng BBM ay lubusang mss mura kaysa sa ibang briquetting machine, kaya’t mas may kakayahan ang mga mamayan o mga barangay na magkaroon ng isa. Ang BBM ay mas mmadaling gamitin kumpara sa ibang briquetting machine, sa kadahilanan na ito kahit sino ay magkakaroon ng kakayahan na gumamit nito. Hindi din nangangailangan ang BBM ng madaming tao upang gumana.

Kagaya ng ibang mga produkto ay mayroon din namang mga negatibong bagay tungkol sa BBM. Una dahil ito ay mula sa konsepto ng mga estudyante at hindi mula sa propesyonal na mga inhenyero hindi matitiyak ang pagiging epektibo ng makinarya. Sa kabuuan ang BBM ay may magandang epekto at hangarin na mabigyang solusyon ang mga problemang kinahaharap ng mundo partikukar na sa basura. Ang mga paraan ng BBM naman ay magiging epektibo upang mabigyang solusyon ang problema sa basura. Ang negatibong bahagi ng produkto ay hind naman magiging hadlang sa pagiging epektibo nito. Ang BBM sa kabuuan ay isang makabagong produkto na magbibigay solusyon sa problema sa basura.

Ang iHarvest ay isang rain-accumulating machine na makapagbibigay ng alternatibong pagkukunan ng tubig na maaaring gamitin ng mga tao sa pang-araw-araw nilang gawain. Ang proyektong ito ay nabuo sa kadahilanan ng malimit na paghina at pagkawala ng tubig sa Brgy. Banay-Banay I, San Jose, Batangas. Layunin nito na mabigyan ng sapat na malinis at libre na reserba ng tubig ang mga taga Banay-Banay I at bawasan ang dami ng tubig na pumapatak sa lupa na nagdudulot ng baha.

Ang iHarvest ay marapat lamang na tangkilikin sapagkat ito ay makakatulong sa paglilimita ng tubig-ulan na bumabagsak sa lupa upang maiwasan ang pagbaha. Makakatipid din ito sa water bill sapagkat ito na ang magsisilbing reserba ng inyong tubig. Nakakatulong din ito sa paglimita ng demand para sa tubig-bukal (pangunahing pinagkukunan ng tubig ng mga taga Banay-Banay I) sapagkat limitado lamang ang tubig na makukuha mula roon.

Noon pa nararanasan ang problema sa tubig, hindi lang sa Metro Manila, kundi sa buong bansa. Matagal nang nagbababala ang mga eksperto hinggil sa anila’y lumalalang problema sa tubig, lalo na sa malinis na inuming tubig sa malaking bahagi ng mundo, at hindi nga umano ligtas sa “water crisis” na ito ang Pilipinas. Panahon na para gumawa ng komprehensibong hakbang, panahon na para sa iHarvest.

-Andrealou Alexis Castillo